La motonâf Audace a risi di lâ sot. Al sigûr i 76 passizîrs e l’ecuipaç

Moments di pôre pai 76 passizîrs de motonâf “Audace” vuê di matine tor des 11,50, cuant che e à tacât a jemplâsi di aghe cul risi di lâ sot a plui o mancul 7 chilometris fûr di Grau, il puart di indulà che e jere partide. La nâf e jere direte bande il puart di Monfalcon. I passizîrs e i oms dal ecuipaç a son subit lâts dentri des sialupis di salvament, intant che a rivavin sul puest oms e mieçs de Capitanerie di puart di Triest adun cun chei di Grau e di Monfalcon, i pompîrs e ancje la Vuardie di finance.

Cumò lis operazions di salvament a cirin di tornâ a puartâ la nâf, gnove parcè che lade in aghe tal Jugn dal an passât, bande la tiere. (a.d.g.) – 12.06.2024