Inagaments e tant lavôr pai pompîrs in mieze regjon

Ancjemò timpat sul Friûl-Vignesie Julie. Un temporâl une vore fuart vuê di buinore al à provocât cetancj inagaments. A son stadis batudis soredut Feagne, Pagnà, Buie, Maian e S. Denêl, indulà che ciertis stradis a son deventadis come flums.

I pompîrs a son stâts in vore des siet ae buinore par diliberâ ciertis cjasis ladis sot aghe e par tirâ vie ramacis coladis su lis stradis.

La zone plui batude e je stade dut câs chê di Triest, indulà che tra lis 8 e lis 10.30 di matine i pompîrs a jerin za intervignûts 25 voltis. Propit in tal cjâf lûc regjonâl a son stadis ancje infiltrazions di aghe tal cuviert dal tribunâl. (a.d.g.) – 10.06.2024