Al ‘Bon’ di Culugne la domenie il teatri al è par furlan

Cu la Sierade e rive une gnove edizion di “Invît a Teatri”, la rassegne teatrâl in lenghe furlane dal Teatri “Luigi Bon” di Culugne. A saran trê lis domeniis dopomisdì dedicadis ai spetacui in marilenghe, inmaneadis in graciis de poie dal Comun di Tavagnà. Il Grup Filodramatic “Easy “al sarà protagonist dal prin apontament, domenie ai 29 aes 5 dopomisdì, cun “Sesulis, marcjei e gabanis”: une rivisitazion dal “Don Camillo” cu la regjie di Stefano Masau, ambientade intun paîs de Basse furlane, dulà che il plevan Pre Milo e il sindic comunist Bepon, oponûts par politiche e ideis, si contindin cûrs e animis dal lôr paîs. Une comedie di ridi dulà che i opuescj no son mai nemîs. (A.I.) – 27.10.2023