Muarte la stele de ghitare: al veve sunât a Pordenon

Un dai ghitariscj plui grancj de storie dal rock, l’inglês Jeff Beck, di 78 agns, al è muart par une meningjite bateriche. Dai Agns ‘60 incà, al à passât ducj i gjenars musicâi, sunant cun grops tant che i Yardbirds, disint di ‘no’ ai Rolling Stones e lant indevant fin ae fin cuntune cariere soliste une vore impuartante, ancje par chei altris ghitariscj. L’an passât e veve incidût un disc e fat un tour cul atôr Johnny Depp: l’ultin de so cariere. Intune date, i doi e vevin sunât ancje a Pordenon, ai 20 di Lui 2022, al Blues & Co. Festival. Une des seradis plui impuartantis di dute la siore Istât musicâl in regjon. (A.I.) – 12.01.2023