25
Une altre siore indenant cui agns e je stade fraudade, cheste volte a S. Denêl. Il fat al è sucedût îr di sere cuant che a une femine di 87 agns e je rivade la clamade di un che i diseve di jessi un miedi dal Pront socors par vie che il fi al jere restât cjapât dentri di un incident stradâl.
La clamade e someave cussì vere che la femine e je lade daurman in stât di agjitazion. A chel pont il delincuent al à contât che il fi si podeve curâ ma che a ocorevin bêçs.
Cussì la siore e à cjapât su’ 400 euros e lis zoiis che e veve in cjase e e à molât dut a une persone che pôc dopo si è presentade ae puarte di cjase. Dome plui tart la siore si è inacuarte di jessi stade fraudade e e à clamât i carabinîrs. (a.d.g.) – 24.04.2024
