Vinars ai 21 a Cividât si tire sù il sipari sul ‘Inevitabil’, ven a stâi il teme sielt dal diretôr artistic Giacomo Pedini pe trentesime seconde edizion dal Mittelfest, il festival che al puarte in sene plui di 30 progjets artistics di teatri, musiche, danze e circ. Place Domo e ospitarà il conciert di scree dal festival, Janoska Style Goes Symphonic: la Fvg Orchestra e il grup austriac slovac Janoska Ensemble a contin in notis la atrazion di doi univiers musicâi. La prime zornade e viodarà ancje la inaugurazion, al Convit ‘Paolo Diacono’, de mostre “Tornare. La Mitteleuropa di Giorgio Pressburger”, dedicade al inteletuâl a cinc agns de muart. Intal Teatri, il solit apontament cul Premi “Adelaide Ristori”, dedicât al miôr artist de edizion dal an prime dal Mittelfest: Eva Luna Betelli. (A.I.) – 20.07.2023
80
