Il “concierton” dal Prin di Mai a Rome, inmaneât di plui di 30 agns in place San Giovanni devant di desenis di miârs di spetatôrs, si è davuelt intal non e intal ricuart di Lorenzo Parelli, il student di 18 agns dal “Bearzi” di Udin muart ai 21 di Zenâr dal 2022 intune cjarpentarie di Pavie, intal so ultin dì di scuele-lavôr. La condutore Ambra Angiolini e à citât l’articul 4 de Costituzion taliane par ricuardâ che Lorenzo “al è muart dilunc dal orari scolastic, e chest nol podeve previodilu nancje che la Costituzion, e al à paiât cu la sô vite, cence ancjemò jessi stât paiât di nissun”. Sul palc a son lâts sù ancje i gjenitôrs di Lorenzo, Maria Elena e Dino Parelli, che a àn consegnât in maniere simboliche la “carta di Lorenzo”, nassude par evitâ che si ripetin tragjediis compagnis di cheste. “La sigurece – a àn dit – no à colôr e nancje bandiere: e je di ducj e e je une responsabilitât coletive di ognidun di nô”. (A.I.) – 02.05.2023
143
