L’assessôr regjonâl aes Risorsis agroalimentârs, forestâls, itichis e mont Stefano Zannier al è di vuê il gnûf president de Fondazion Dolomitis Unesco. Dilunc de riunion dal Consei di aministrazion dal ent al è stât il passaç di consegnis cul president che al mole, Mari Tonina, vicepresident de Provincie autonome di Trent.
“Al è par me un onôr vê il testemoni di president de Fondazion Dolomitis Unesco. O soi cussient de impuartance dal rûl e dal lavôr che al covente par lâ indevant cu la opare za inviade dal president Tonina, mantignint centrâi i temis de sostignibilitât, ma ancje de valorizazion di dutis lis particolaritâts rapresentadis intun unicum straordenari tant che chel des Dolomitis Unesco – al à sclarît Zannier -. Sfidis gnovis a caraterizaran il futûr de Fondazion, ma a saran frontadis cul spirt di condivision e pragmatisim indispensabil par otignî risultâts biei. Vint vivût come assessôr de Provincie di Pordenon il percors che al à puartât al ricognossiment de aree tant che patrimoni Unesco, o soi une vore content di cjapâ sù vuê la presidence, lu fâs garantint dut l’impegn necessari”. (ADG) – 21.11.2022
