Il furlan Marco Dreosto nomenât component de presidence de Comission Esteri e Difesa dal Senât

da Alessandro Di Giusto

“A son braurôs che il lavôr in Europe e sul teritori al sedi stât premiât cu la mê nomine a component titulâr, segretari e membri dal ufici di presidence di cheste prestigjose Comission”, al declare intune note il senatôr e coordenadôr regjonâl de Lega Fvg Marco Dreosto.

“E je la dimostrazion dal impegn a difindi l’interès nazionâl talian in politiche foreste e a dâ dute la nestre poie aes nestris Fuarcis Armadis in Italie e tal forest. De vuere in Ucraine ae instabilitât dai Balcans, dal contigniment de espansion cinese ae sigurece dal Mediterani, a saran tantis lis sfidis che o sarai clamât a frontâ intal interès de Italie e dal nestri teritori. In mût particolâr la cuistion dai Balcans che, cu lis tensions resintis tra Serbie e Cossovo e la cuistion de rote balcaniche, e met il Friûl Vignesie Julie in prime linie sedi di un pont di viste economic – commerciâl che di sigurece publiche”. (ADG) – 10.11.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui