La Zonte regjonâl e à aprovât vuê la programazion dai trê ospedâi hub dal Friûl-Vignesie Julie, stanziant altris 276 milions di euros: chescj gnûfs fonts si zontin ai 115 milions za erogâts tra il 2022 e il 2023, puartant duncje, in 5 agns di legjislature e dome sui grancj apalts in cors, a 391 i milions a disposizion dai trê nosocomis, par meti in sigurece la lôr realizazion e cambiâ l’Acuardi di program cul Stât. Il valôr des oparis realizadis intai trê comprensoris ospedalîrs regjonâi si ateste cussì a plui di 923 milions di euros.
Il proviodiment impuartant al è stât aprovât dal Esecutîf daûr de propueste dal vicegovernadôr cun deleghe ae Salût dal Friûl-Vignesie Julie par garantî il completament dal ospedâl di Udin, di Cattinara (a Triest) e di Pordenon, sedi i intervents pe realizazion de gnove sede dal materni infantîl Burlo Garofolo e dal gnûf Campus didatic a Triest che al deventarà pôl formatîf a benefici dal sisteme sanitari. (A.D.G.) – 24.03.2023
