Mittelfest, une femine ae direzion dopo 35 agns

da Andrea Ioime

Daspò di 35 agns il “Mittelfest”, il festival internazionâl dal teatri, de musiche, de danze e dal circ, che par undis dîs al à mudât la citât di Cividât intun grant palc difondût., al à sielt la prime femine pe direzion artistiche. Dopo sîs agns di direzion di Giacomo Pedini, e je stade sielte Agata Tomšič, nassude a Isule di Istrie, in Slovenie, tal 1986: dal mês di Otubar e tacarà a lavorâ pal festival, che chest an al à presentât 32 progjets artistics di 16 paîs diferents, 20 di chescj in “prime” mondiâl o talian. Prime a son programadis gnovis datis pe produzion “Alba dopo la fine della storia”, la ultime part de trilogjie “Inabili alla morte”. Sierant il festival, il gnûf president Toni Capuozzo al à presentât il gnûf diretôr, anzit la diretore che e cjaparà il puest di Pedini. Agata Tomšič, che e si è laureade e e si è specializade in Dissplinis dal spetacul dal vîf a Bologne, cofondadore de compagnie ErosAntEros e co-diretore artistiche dal POLIS Teatro Festival a Ravenna, e spiche pal so impegn civic, la sô metodiche multidissiplinâr e la sô fuarte vocazion internazionâl, cuntune atenzion particolâr ae Europe centrâl e balcaniche. Di chest an e je ancje dentri tal consei di aministrazion di “ItaliaFestival”. (A.I.) – 27.07.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui