Siopar e presidi dai lavoradôrs de Radiators di Muimans dopo che la aziende e à declarât 50 lavoradors in soreplui e la volontât di no rinovâ 29 soministrâts.
La notizie e à cjapât di sorprese i operaris, che tancj di lor a lavorin intal implant di plui di 30 agns in ca.
Ancjemò no son stâts indicâts nons e figuris destinâts a restâ a cjase. La situazion e je daûr a creâ pinsîrs fuarts tra i dipendents che si domandin par cuâl motîf la aziende no fasi plui ricors ai amortizadôrs sociâi.
I sindicâts no escludin altris azions di proteste e intant a domandin il coinvolziment de Regjon. (a.d.g.) – 12.10.23