Superbonus al 110% pai condominis: in F-Vj a son a pericul 400 cantîrs par passe 270 milions di invistiments. Lis impresis a contin 4,5 milions di credits blocâts dome pe provincie di Udin. Cheste cundizion e je calcolade tant che esplosive di Confartigianato. In regjon si riscje il caos, cemût che al à sotlineât il cjâf categorie Paolo Dri, che al à visât che un cantîr su cuatri (a son in dut 1.600 lis asseverazions par intervents condominiâi) al scuen ancjemò concludi i lavôrs.
La mancjade proroghe dal Superbonus decidude dal Guvier, augurade a fuart intai dîs passâts almancul pai lavôrs intai condominis za indenant in fase di esecuzion, al è daûr a creâ pinsîrs fuarts parcè che il 50% des aziendis, cemût che al è vignût fûr di un scandai comissionât dal ufici studis di Confartigianato imprese Udine e che i àn rispuindût 58 impresis, a svantin credits ore presint, soredut termoidraulics, eletriciscj e pitôrs edîi. (a.d.g.) – 18.12.2023
