Dôs cicloviis de regjon sul podi nazionâl di Avost

A son ben dôs lis cicloviis che a passin inte nestre regjon a lâ sù sul podi tra i itineraris plui ricercjâts dai turiscj intal periodi di Avost. E je la Ciclovie Adriatiche, che partint di Triest e cor dilunc de cueste de penisule fin in Pulie, e chê Alpe Adria, che e passe invezit di Nord a Sud la nestre regjon. Lu evidenzie il report setemanâl dal ministeri dal Turisim, che al conte cemût che inte tierce setemane di Avost la Vie Claudia Auguste (che coleghe la Baviere cul Nord Italie) e à totalizât 12.100 ricercjis su Google, lade daûr de Ciclovie Adriatiche cun 5.400 e de Alpe Adria cun 4.400 ricercjis. (r.c.) – 21.08.23