“Lis decisions cjapadis vuê de assemblee di Autostrade Alto Adriatico a rapresentin un passaç epocâl pal potenziament di une rêt viarie strategjiche pal Paîs e par dute la Europe. Un risultât ecezionâl, otignût in graciis de competence e dal impegn dai aministradôrs e dai professioniscj de gnove aziende che ur va il nestri ringraciament, tacant dal president in scjadince Anna Di Pasquale. Ancje traviers cheste operazion o stin puartant indenant un lavôr di infuartiment dal Friûl-Vignesie Julie e dal Venit su la scachiere internazionâl”. Lu à afermât l’assessôr aes Financis Barbara Zilli, intervignude vuê ae assemblee di Autostrade Alto Adriatico, che e à aprovât il gnûf asset societari de societât in house de Regjon, sotentrade intai mês passâts ae concessionarie Autovie Venete, che al gjestìs il servizi autostradâl e la manutenzion di trats tra Friûl-Vignesie Julie e Venit.
Vie libare duncje ae composizion dal gnûf Cda de societât che e sarà formât di cinc components. Di là dal president Domenico Gabriele Angiolino Fave e al vicepresident Tiziano Bembo – za vicepresident di Autovie Venete -, il Cda di Autostrade Alto Adriatico spa e sarà componût dai conseîrs Valentina Graberi, Zorro Grattoni e Elena Buson Nicolodi. “Vuê o vin passât un travuart impuartant viodude la complessitât di cheste operazion e la capacitât di rispietâ dutis lis tempistichis previodudis – e à sotlineât Zilli -. Un passaç storic pe gjestion de concession cun afidament ‘in house’”. (A.D.G.) – 29.06.2023
