Veltroni al torne a vierzi lis cunvignis in Badie

Al sarà Walter Veltroni, za segretari dal Pd e sindic di Rome, vuê scritôr e regjist, a screâ la version autunâl de rassegne “I colloqui dell’Abbazia”. Il viaç de cjarte gjeografiche di Livio Felluga intal complès de Badie di Rosacis al è rivât ae otave edizion des cunvignis leteraris curadis di Elda Felluga e Margherita Reguitti, che a presentin un calendari di novitâts tal segn dal viaç tant che cognossince, incuintri e scuvierte di monts e ideis traviers la scriture ma no dome. Joibe ai 14, Veltroni al contarà “Buonvino tra amore e morte”, jessût par Marsilio, il cuart cjapitul de fortunade serie cun protagonist il comissari Buonvino e la sô scuadre dai “magnifics siet al contrari”. Tes setemanis che a vegnin, altris ospits innomenâts, di Dante Spinotti a Mario Calabresi e tancj altris. (A.I.) – 12.09.2023