Un viaç intes liendis de nestre regjon

lL PAFF! di Pordenon nol è dome che un museu, ma un contignidôr vivarôs di culture, che al à tacât di pôc une gnove rassegne cuntun titul che al fevele di bessôl: “PAFF! Reading”. Daspò vê tacât sabide ai 6, si va indevant cul secont apontament martars ai 9 aes 8.30 sot sere cun Mario De Bortoli e la presentazion dal so libri “La magia del sangue”. Un viaç intal “fantasy” furlan, là che l’autôr al dopre i lûcs, la storie, i mîts e lis liendis de nestre regjon tant che fonde pes narazions. La presentazion e sarà compagnade des leturis animadis di Gabriele Pillote e di un dialic dal autôr cun Maura Pontoni de cjase editore L’Orto della Cultura, specializade in libris dedicâts al teritori furlan. (A.I.) – 08.04.2024