128
La arpiste Emma Castellano, nassude a Tisane intal 2004 e daûr s perfezionâsi al Conservatori Tartini di Triest, e à vinçût la 35e edizion dal Premio Caraian pe musiche, inmaneât de Fondazion Lilian Caraian, in colaborazion cui Conservatoris Tartini di Triest e Tomadini di Udin. Il prin puest ex aequo al è stât dividût cu la arpiste serbe Marija Basta, 25 agns, che e à cjapât ancje il Premi Speciâl pe miôr interpretazion di un toc virtuosistic. Dedicade ae arpe, la edizion 2022 dal premi e à viodût la partecipazion di zovinis musicistis leadis al Friûl Vignesie Julie par nassite, residence o lûc di studi. Miercus ai 26 il conciert des vincidoris a Triest, in repliche lunis ai 31 al Conservatori Tomadini di Udin. (A.I.) – 25.10.2022
