19
Il Pordenone Docs Fest, li dal Cinemazero fint a domenie ai 14, si è viert ae citât za prime de inaugurazion cuntune mostre fotografiche al viert cun cualchi grant ospit viodût al festival vie pai agns. Po dopo, i manifescj realizâts di Sara Colaone, Davide Toffolo e Elidude Turrin par dî “no” ae violence su lis feminis, cence dismenteâ il spazi tradizionâl in realtât virtuâl in Plaçute Cavour. Joibe ai 11, aes 5.30 dopomisdì tal Palaç Badini, e je inmaneade la taule taronde “Un festival green par une citât green”, in colaborazion cul Ordin dai Architets di Pordenon, che e vûl jessi un moment di riflession su cemût che un avigniment culturâl al puedi dâ impuls a progjets di sostignibilitât ambientâl intal spazi urban. (A.I.) – 10.04.2024
