Ultin grup di leture dal an cun “Pordenonelegge”

“Il cerchio perfetto” di Claudia Petrucci (jessût par Sellerio) al è il romanç al centri dal ultin apontament 2023 di “pnleggebooklovers”, il grup di leture di “pordenonelegge” pai letôrs che a amin condividi e confrontâsi. Vie pal incuintri dal mês passât, lis trê vuidis dai pnleggebooklovers, Odette Copat, Monia Merli e Federica Pivetta, a àn puartât indevant lis lôr propuestis a teme “gnot dai muarts”: chel plui votât al è stât “Il cercli perfet”. Miercus ai 29 il grup di leture al discutarà aes 8.30 sot sere a Palaç Badini. Ancje par chest ultin apontament dal 2023 di pnleggebooklovers – che la Fondazion Pordenonelegge.it e à za decidût di fâ lâ indevant ancje tal 2024 – dîs puescj a saran metûts a disposizion di gnûfs “curiôs”. (A.I.) – 28.11.2023