Premiâts i autôrs di “Poesie e vin tai cuei di Buri”

A son stâts anunziâts i vincidôrs de prime edizion dal premi leterari nazionâl di poesie e narative “Di viti in vita – Poesie e vin tai cuei di Buri”. La premiazion dentri de nonantesime edizion de Fiere regjonâl dai vins di Buri a Vile di Toppo-Florio. Il premi, promovût de Pro Loco Buri, al jere dreçât a adults e fantats che a àn podût inviâ contis curtis e poesiis in talian, furlan e intes lenghis des comunitâts de Regjon. A cjâf de jurie, il scritôr e poete Maurizio Mattiuzza, anime di chest progjet, che al à sielt inte sezion conte curte “Grandinata d’ottobre” di Barbara Cimbaro, inte sezion poesie “Elia della vendemmia” di Davide Rocco Colacrai e pe sezion Poesie Fantats “Sognando la terra friulana” di Ginevra Puccetti. (A.I.) – 13.06.2023