Mittelfest, anteprimis cun libris e une mostre

Dopli apontament par lis anteprimis dal “Mittelfest” pe fin de setemane: dentri di “Mittelland”, la plateforme di esperiencis che e valorize la vocazion turistiche dal teritori di Cividât e des Vals dal Nadison, sabide ai 24 si scree li dal Curtîl di Firmine la mostre “Mariupol Diary”, cui clics dal fotograf ucrain Evgeny Sosnovsky, che al à documentât l’assedi di Mariupol. Domenie ai 25, invezit, al scomence “Mittelibro”, la rassegne di incuintris cui autôrs che e tache aes 10.30 di matine cun “Il giorno in cui finì l’estate” di Sebastijan Pregelj, in dialic cun Michele Obit. Siet dîs dopo, al rivarà invezit Altan! (A.I.) – 23.06.2023