“La Italie vignude fûr de pandemie e je un Paîs dulà che i libris a son ancjemò plui presints inte vite di fantats e fruts, e dulà che un numar cressint di gjenitôrs e insegnants si impegnin inte educazion ae leture”. Lu à sotlineât la AIE – Associazion taliane editôrs, e di simpri lu sosten la Fondazion Pordenonelegge.it, che chest an e propon un gnûf progjet par promovi la leture dai zovins, par insegnants, educadôrs, bibliotecaris, gjenitôrs di dutis lis etâts. Un cartelon di incuintris su plateforme digjitâl, ideât e curât di Valentina Gasparet, programâts dai 19 di Fevrâr ai 11 di Març, cun grandis firmis de leterature, de comunicazion e de editorie contemporanie. “Leggere ai ragazzi” al è articolât in siet lezions par 20 oris in dut (informazions: segreteria@pordenonelegge.it) e si vierzarà lunis ai 19 di Fevrâr cun Nadia Terranova. (A.I. – 16.01.2024)
Lei ai fantats: un cors digjitâl di Pordenonelegge
70
