76
In ocasion dal cincuantesim aniversari dal taramot, sabide ai 2, il gjornalist e scritôr furlan Toni Capuozzo, president dal “Mittelfest” di cualchi dì, al presentarà il so ultin libri ““Una Piccola Guerra. Il 6 maggio del Friuli”, jessût par Biblioteca dell’Immagine. L’incuintri, presentât di Sergio Del Negros, si davuelzarà aes 8 di sere tal Auditorium dal Oratori de Parochie di Sudri. Capuozzo, che al à zirât dut il mont par trente agns par contâ plui di un conflit, al voleve scrivi un libri che al podès judâ la int a ricuardâ, ma cence jessi un saç sociologjic: “Il taramot – al sclarìs – e je stade la piçule vuere de nestre gjenerazion: al à segnât ducj, e daspò di chel, nuie al è stât compagn di prime”. (A.I.) – 30.04.2026
