89
Il rompiglace Laura Bassi, di proprietât dal Istitût Nazionâl di Oceanografie e di Gjeofisiche Sperimentâl (OGS), che al à la sô sede principâl a Triest, al è partît di Napoli pe gnove campagne sientifiche dal Program Nazionâl di Ricercjis in Antartide (PNRA). La uniche nâf taliane rompiglace pe ricercje oceanografiche, e par cumò ancje la prime e uniche nâf cun bandiere taliane buine di operâ in mârs polârs, sedi in Antartide sedi in Artic, e rivarà in Gnove Zelande al inizi dal Zenâr 2024, par dopo scomençâ il so viaç bande la Antartide, cun 38 ricercjadôrs e tecnics talians e un ecuipaç di 23 membris in navigazion. (A.I.) – 27.11.2023
