Il festival Maravee ancje chest an al è un ‘circ’

Ae centrâl idroeletriche “Antonio Pitter” di Malnîs, in comun di Montreâl, e scomence la vincjesime seconde edizion dal festival Maravee, intitulade “Circus 2023”. A screâ il cicli di apontaments il spetacul teatrâl, di danze e cjançons “Circus Energy” diret di Sabrina Zannier, cu la dramaturgjie de autore-atore Claudia Contin Arlecchino, in sene dongje dal zovin tenôr e atôr Andrea Piazza. Il spetacul al passe lis salis cu lis turbinis ziganteschis de centrâl, dulà che a son esponudis lis oparis di art di Roberto Kusterle e Daniele Indrigo.  La rassegne e larà indevant al Kulturni Center di Gurize, ai 29 di Jugn, cuntun altri spetacul cun Claudia Contin Arlecchino, “Tormento e Rocambole”.  (A.I.) – 21.06.2023