I scritôrs di Europe a contin i fantats di vuê

Il romanç de autore irlandese Sally Rooney “Beautiful world, where are you?” (Dulà sêstu, mont biel?) al è il teme dal prin incuintri, ma ancje di dute la 15e edizion di “Narratori d’Europa”. La schirie di incuintris sui autôrs e sui romançs promovude dal IRSE, Istitût Regjonâl di Studis Europeans, e tache joibe ai 2 tal Auditorium Lino Zanussi de Cjase dal Student di Pordenon. Il cartelon, ideât di cuindis agns in ca par aprofondî tematichis di interès storic e sociâl in graciis dal apuart di romançs europeans contemporanis, al sarà dedicât aes incuietudins dal passaç de adolessence ae etât adulte. Cuatri libris a saran analizâts par capî il presint e cemût “deventâ grancj intun mont dificil”. (A.I.) – 01.02.2023