A pocjis oris de inaugurazion uficiâl di GO! 2025 e ven screade, joibe ai 6 aes 6 dopomisdì inte sede “The Circle” de associazion QuiAltrove di Gurize, la mostre video fotografiche “Appartenenze. Sguardi dal territorio” (Apartignincis. Vogladis dal teritori), un percors espositîf che al celebre il patrimoni artistic culturâl plen di storiis e di contaminazions di chest teritori. La esposizion si propon tant che une riflession intense su la impuartance de art e de memorie: par sigûr struments essenziâi pal dialic intergjenerazionâl. Al centri a son lis testemoneancis in video e i ritrats fotografics di autôr, firmadis dal fotograf Massimo Goina, di artiscj tant che Ignazio Doliach, Sergio Altieri, Luciano De Gironcoli, Roberto Kusterle, Ignazio Romeo, Kristian Sturi, Alfred de Locatelli, Paolo Figar e Massimiliano Busan. La iniziative e vûl celebrâ in mût particolâr dôs figuris centrâls de art dal teritori gurizan, Enzo Valentinuz e Luciano De Gironcoli, ispiradôrs dal progjet. (A.I.) – 04.02.2025
I artiscj di Gurize si contin intune mostre
55