Contis di feminis cuintri i stereotips

I apontaments de tierce edizion di “Dimmi. Le donne raccontano”, un progjet cuntun percors di pinsîr e formazion traviers diviersis dissiplinis, par stiçâ un dialic autentic tra i gjenars, cuintri ducj i stereotips e prejudizis, sabide ai 11 al va indevant a Udin. La librarie Friuli e ospitarà la cunvigne “Il tempo del noi no” cu la sociolighe Fabrizia Iervese, par stimolâ lis partecipantis e i partecipants a ricreâ fiducie e rispiet in se e in chei altris. Joibe ai 16, simpri ae librarie Friuli, Fabiana Fusco de Universitât dal Friul e fevelarà di “Genere o generi? Questo è il problema…”, ven a stâi conseis linguistics par doprâ cun atenzion e cussience la lenghe taliane. (A.I.) – 09.03.2023