Plui o mancul 250 furniments fra sdraiis, ombrenons, jets, cjadreis, poltronutis e materassins, lassâts sul lît di Lignan, a son stâts secuestrâts de Vuardie Costiere e de Polizie Locâl la gnot passade cuntun blitz.
La operazion e je tacade îr di sere, miercus ai 23 di Avost, dopo il tramont, sul litorâl des bandis di Ponte Fâr.
Lis areis mitudis sot control a jerin stadis cjapadis in maniere abusive cun 256 furniments balneârs no cognossûts, par tignî il puest la dì dopo, cence permeti ai citadins il libar gjoldiment di plui o mancul 400 metris cuadris di lît libar.
Il Comun di Lignan al à mandât fûr intai mês passâts une Ordenance sindicâl che e proibìs di lassâ no vuardâts, intai lîts libars, ombrenons, sdraiis, tendis o altris furniments e che a scugnaran in ogni câs jessi puartidis vie dopo il tramont dal soreli. (a.d.g.) – 24.08.23
