Passeur arestât de polizie dopo l’inseguiment a Gurize

Un citadin cinês di 46 agns al è stât arestât de Polizie: al è acusât di favoriment de imigrazion clandestine e di resistence a uficiâl public.

I agjents a àn corût daûr al om che, dopo vê cjapât cuintri man vie Del Prato, a Gurize, al è stât fermât. In machine, cun lui, a jerin cuatri conazionâi cence permès di permanence in Italie. Al è saltât fûr cun di plui che il passeur al veve passât a pene i Paîs dilunc de Rote balcaniche.

Il vuidadôr al è duncje stât arestât e puartât in preson, intant che i conazionâi a son stâts denunziâts par jentrade e permanence ilegâl in Italie. (a.d.g.) – 12.10.23