Lis scuelis di Puçui intal non di pre Di Piazza

Sabide ai 20 aes 10 de buinore, cerimonie uficiâl de intitulazion des scuelis di Puçui a pre Pierluigi Di Piazza, un an daspò de sô muart, ai 15 di Mai dal 2022, dopo une malatie curte. La intitulazion e vûl “onorâ un om di culture profonde, docent, scritôr, gjornalist, educadôr, che al à dât une olme fuarte al teritori di riferiment dal istitût intal segn dal acet, dal dialic, de legalitât, de justizie, de solidarietât, de promozion dai dirits umans, de no violence, de conversion ecologjiche”. Il predi ‘dai ultins’, nassût a Tualiis di Comelians, cognossût pal so impegn pe pâs e par vê fondât a Çuian il Centri di acet e di promozion culturâl “Ernesto Balducci”, al darà il so non a dutis lis scuelis dal istitût di Puçui. (A.I.) – 18.05.2023