Robarie di materiâl ferôs evitade a S. Vît de Tor in graciis dal intervent dai Carabinîrs. Intal cors de gnot, trê citadins forescj zovins a son stâts arestâts dai militârs dal Comant di Palme.
I Carabinîrs a son intervignûts su segnalazion dal titulâr de dite de Basse furlane. No cate lis cundizions dificilis di ricercje, a àn rivât a individuâ il tercet di malvivents dentri di un capanon de aziende, dulà che al jere tignût il materiâl in spiete dal sucessîf ricicli.
I trê, ducj origjinaris dal Est Europe, di 23, 26 e 46 agns, a son stâts puartâts intal Comant Compagnie di Palme pai aciertaments e, su disposizion dal Pm di turni de Procure de Republiche di Udin Olivotto, a son in spiete di judizi diret stant che a son ritignûts responsabii di tentade robarie ingriviade in concors. (A.D.G.) – 07.06.2023
