A agjevolavin doi clans camoristics traviers imbrois fiscâi intal setôr dai idrocarbûrs. Undis personis a son indagadis de Procure di Napoli te suaze di une operazion de Vuardie di finance di Napoli, Triest e Frosinone che e à puartât al secuestri preventîf di bens par 150 milions di euros.
Lis Flamis zalis, in colaborazion cul Servizi centrâl di investigazion su la criminalitât organizade, a son impegnadis inte esecuzion dai decrets di secuestri in Campanie, Lazi e Emilie-Romagne di bens riferibii a 11 indagâts, a vari titul, ancje in forme associative, par reâts tributaris, falsis comunicazions sociâls, trasferiment fraudolent di valôrs e auto ricicli. Par 6 dai indagâts i reâts a son agravâts dal fin di agjevolazion mafiose. (a.d.g.) – 16.11.2023
