103
A son stadis 5.621 lis personis controladis, 15 i indagâts, 302 i veicui ispezionâts e 4 lis sanzions aministrativis fatis. Chescj i risultâts dal lavôr de Polizie Feroviarie di Pordenon vie pes fiestis, in graciis de intensificazion dai servizis di control intes stazions e dentri il tren. Lis operazions si son fatis cun regolaritât e cence rilevâ nissun probleme.
Intal complès a son stadis 321 lis patuliis impegnadis intes stazions e 45 chês dentri 92 trens. Undis i servizis anti rambade in abits civîi, potenziâts par prevignî e contrastâ reâts tant che robariis e imbrois, par solit in cressi intai periodis di fieste ancje in reson dal aflùs plui alt di passizîrs. (A.D.G.) – 9.01.2023
