Carnevâl di Sapade, un om di Udin al mûr par un colp anafilatic

Al è muart in ospedâl l’udinês Matteo Baldissera, 34 agns, che si jere sintût mâl par vie di un colp anafilatic intant che al jere daûr a partecipâ aes fiestis pal Carnevâl a Cime Sapade. Daûr di une prime ricostruzion dai fats, l’om al jere colât jù par tiere dopo vê mangjât alc cuntun ingredient che lui al jere alergjic. Socorût di une ambulance in servizi li ator e po dopo dal elisocors, al è stât rianimât parcè che in arest cardiocircolatori. Traspuartât in svol al ospedâl di Udin in cundizions tant grivis, al è muart pocjis oris dopo il so ricovar. (A.I.) – 06.02.2023