Ancjemò une pestadice tra forescj in Borc Stazion. La barufe e je sclopade îr dopomisdì, tor des sîs di sere, ae jessude de autostazion e e à causât il feriment di un om, colpît al braç cul cuel di une butilie rote.
Dome l’intervent svelt dai agjents de Polizie locâl de stazion dongje al à evitât che e les piês. Dôs lis personis fermadis, tra chestis il ferît, socors sul puest dai sanitaris e traspuartât tal ospedâl Sante Marie de Misericordie pes curis. A son in cors i aciertaments par identificâ dutis lis personis che a àn partecipât al scuintri, sclopât par motîfs dibant devant dai voi maraveâts dai passants. Sul câs, di là des testemoneancis diretis, a saran dopradis lis imagjins dal sisteme di videocontrol presint intal cuartîr. (a.d.g.) – 19.12.2023
