Auto capotade a Tarcint

Moments di pôre vuê dopomisdì in vie Dante Alighieri a Tarcint, dulà che un automobilist al à pierdût il control de sô veture che si è ribaltade. Par causis che i carabinîrs a stan stazant, un om di 30 agns, in machine cu la morose, intant che al leve fûr dal centri abitât al è stât protagonist di un incident stradâl cence cjapâ però altris mieçs.

L’auto si è disledrosade e il vuidadôr al è restât incjastrât dentri. Par tiralu fûr al è stât necessari l’intervent des Vuardiis dal fûc, che lu àn consegnât dopo al personâl sanitari pes curis. L’om al è stât elitraspuartât li dal ospedâl di Udin in cundizions seriis. Salve invezit la compagne. (a.d.g.) – 04.10.23