Imbroi ai dams di une vecjute a Cormons. Une siore di plui di otante agns e à vût une telefonade là che i vignive dit di une vôs sfolmenade che la gnece e steve mâl par vie di un tumôr, e che al sarès stât necessari dut l’aur presint in cjase par paiâ lis curis. La siore e à cussì cjapât sù dut ce che di valôre e veve a sô disposizion e lu à consegnât a une femine che si è presentade pôc dopo ae puarte di cjase. Dome cuant che la malvivente si è slontanade, la siore si è rindude cont di jessi restade vitime di un razîr e al à alertât familiârs e fuarcis dal ordin. Sul fat a indaghin i Carabinîrs.
Al è simpri impuartant, cuant che si cjapin telefonadis straniis di int no cognossude, clamâ daurman un familiâr o lis fuarcis dal ordin par evitâ di restâ vitimis dai bandîts. (a.d.g.) – 05.10.23
