Carnevâl a Cividât cun… Jannacci e Gaber

Joibe ai 12, tal Teatri “Ristori” di Cividât si sintaran lis cjançons plui famosis di Enzo Jannacci e Giorgio Gaber, par celebrâ il Carnevâl dal 2026 cu la elegance ironiche di doi grancj autôrs. Cun cheste iniziative, la aministrazion comunâl e vûl ufrî ai citadins une serade speciâl cun jentrade libare, cence sore nuie dedicade ae grande musiche taliane che e à segnât la nestre storie culturâl, interpretade dal grup “Quelli che…”. Al sarà un viaç traviers dal jazz, dal teatri cjançon e des peraulis cence timp, dulà che lis lirichis e lis cjançons dai doi autôrs a saran evocadis traviers di musiche, imagjins e ripresis di archivi, par tornâ a scuvierzi la lôr impuartance, la ironie e la profonditât. (A.I.) – 11.02.2026