131
Un gnûf cicli di conferencis al vignarà screât joibe ai 16 intal Museu archeologjic nazionâl di Aquilee e al sarà dedicât ae seconde edizion de rassegne espositive “Mirabilia: capolavori a confronto”. I rincjins preziôs di aur, prestâts dal Museu archeologjic nazionâl di Taranto, in mostre inte sezion dal museu dedicade a ‘Sflandôr e bielece’, a saran protagoniscj di cuatri incuintris dedicâts ai rapuarts tra Aquilee e la Magne Grecie. Si tache joibe ai 16 aes 5.15 dal dopomisdì, cun Monica Chiabà de Universitât di Triest, che e larà insot cui leams tra i prins colons mandâts achì a fondâ la citât di Aquilee e lis lôr fameis che a vignivin de Italie centri-meridionâl. (A.I.) – 15.02.2023
