Anulâts i avigniments pal Carnevâl a Udin

da Alessandro Di Giusto

Il Comun di Udin al à decidût di anulâ i avigniments al viert previodûts pe fin di setemane di “Udin in Mascare 2024”. Lis previsions dal timp no son di fat favorevulis, dal moment che su la citât a son previodûts doi dîs di cîl grîs cun ploie in diviersis fassis orariis.

A son stâts anulâts alore il spetacul di bufulis di savon e la clownery di La Cucina Errante tal dopomisdì di sabide ai 10 di Fevrâr, come l’apontament cu la scuele di danze Dna e il spetacul comic cui zûcs di Fiabirilli, che a jerin previodûts par domenie ai 11 aes 5 dal dopomisdì; al reste però bon l’apontament aes 4 dopomisdì di joibe ai 8 di Fevrâr.

A son stadis canceladis ancje dutis lis ativitâts al viert dal Ludobus, il spetacul dai buratins e il Truccabimbi, che al varès acetât frutis e fruts za tacant de matine di domenie.

Dal moment che a son iniziativis al sierât, a son stâts confermâts invezit i laboratoris par fruts “Trabocchetti in Castello” sabide intes salis dal Museu dal Cjistiel e “Davvero?”, domenie dongje il Museu Etnografic. I puescj pes ativitâts di sabide in Cjistiel a son esaurîts, ma a restin i ultins slot disponibilis sedi di matine che al dopomisdì pe visite ludiche di domenie tal Museu di vie Grazzano. Par prenotâsi il link di riferiment al è https://www.eventbrite.it/e/biglietti-un-carnevale-con-davvero-al-museo-etnografico-del-friuli-814899635747?aff=erelexpmlt&fbclid=PAAaYF4z9zVvnINQ3oavSxG-iIpr1lSWlyWLtjDKRJTwXJ1vrmuTWcFPuoIpc.

Al reste invariât il program di Carnevalon, cul Truccabimbi, i spetacui dal Mago Deda e il grant finâl cul paiaç Japo. (a.d.g.) – 07.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui