A Pordenon e nas la ‘Citât dal dissen’

E je stade screade lunis di matine la 12e “Pordenone Design Week”. La relazion tra imprese e mont de ricercje e je al centri de manifestazion, che chest an e torne in presince, fin a vinars ai 17, organizade dal Consorzi Universitari di Pordenon e altris socis. Chest an la rassegne e viôt la nassite di une realtât impuartante par ducj i atôrs dal sisteme ‘dissen’: la fondazion de ‘Citât dal dissen’, une gnove realtât che e varà un rûl multipli intal panorame culturâl regjonâl e ancje di chel citadin. La manifestazion e va indevant cun sîs fariis focalizadis su sîs aziendis, lis ‘Lezions in vetrine’ che a iluminin il centri citât di sere e la mostre ‘slargjade’. (A.I.) – 13.03.2023