9
Il circuit dal ERT e la comun di Sedean a screin la gnove stagjon dal teatri “Plinio Clabassi” sabide ai 7 cun Dario Zampa e il so spetacul “80 agns di Friûl. 1946 / 1976 / 2026.” Il conciert al è un viaç traviers di sessante agns de sô cariere artistiche e de storie dal Friûl. Cuntune sensibilitât poetiche fine, il cjantautôr furlan, compagnât dal so grup di musiciscj, al conte i moments plui impuartants de sô vite e de memorie coletive, instreçant monolics e cjançons intune interpretazion dute in marilenghe. (A.I.) – 06.11.2026
