Musiche pe opare mestre di Dante

“La Divine Comedie in Conciert” e rive tai teatris dal circuit dal ERT par trê datis. Protagonist des seradis, la Orchestra di Fiati Arcobaleno , direte di Erik Žerjal, cu la narazion di Gianni Pellegrini, la sopran Karin Luin e il bas Massimiliano Svab. Il conciert al sarà presentât sabide ai 7 tal teatri “Vittoria” di Feagne, martars ai 10 tal auditorium di Talmassons,e miercus ai 11 tal teatri “Marlena Bonezzi” di Monfalcon. Intal program, cu lis musiche di Robert W. Smith, il viaç di Dante dal scûr dal Infier fint ae lûs dal Paradîs al ufrîs une clâf artistiche par tornâ ai temis de fragjilitât, de ricostruzion e de sperance, ricuardant il viaç fat des comunitâts furlanis daspò dal taramot dal 1976. (A.I.) – 06.11.2026