La Capitâl de culture si scree cun Miró

Un gnûf progjet di mostre mai viodût prime, creât a pueste par Pordenon de bande de Fundació Joan Miró di Barcelone, al vierzarà il program dai grancj events par Pordenon la Capitâl Taliane de Culture dal 2027. Dal 22 di Zenâr e fint al 30 di Mai dal 2027, la Galarie “Harry Bertoia” e ospitarà ” Joan Miró: la poesia degli oggetti e della materia”, la poesie dai ogjets e de materie, une mostre di grant valôr sientific e artistic, une esclusive mondiâl par screâ l’an de Capitâl. La mostre e met dongje oparis di impuartance straordenarie, cu la propueste di un viaç unic: 20 oparis de colezion privade di Joan Miró, donadis dal artist al museu di Barcelone, e altris 17 che a saran presentadis pe prime volte in Italie. (A.I.) – 04.11.2026