A Vile Manin un studi ator lis cjasis dal Fascio

Lant indevant cul so viaç par riscuvierzi e studiâ i edificis dedicâts ae istruzion dai zovins costruîts tal Friûl di Mieç e te Basse jenfri lis dôs vueris mondiâls, il PIC (Progjet Integrât pe Culture dal Friûl di Mieç) al ufrîs un gnûf event par riscuvierzi lis “Architeturis pe Istruzion dai Zovins”. Joibe ai 5, des 2 e fint aes 6 di dopomisdì, te sale conferencis di Vile Manin a Passarian, si davuelzarà un seminari par studiâ e esplorâ lis scuelis maternis, lis scuelis monument, i centris pai zovins e lis cjasis dal Balilla tal Friûl di mieç e te Basse dal 1920 al 1945. (A.I.) – 04.11.2026