Supercope: ve i biliets di comprâ

A son fûr des cuatri di dopomisdì di martars ai 29 di Lui i biliets pe finâl di SuperCope europeane de Uefa, che si davuelç tal stadi “Friuli” di Udin miercus ai 13 di Avost. I vincidôrs de Champions e de Europa League, Paris Saint Germain e Tottenham si cjataran a Udin – la prime citât taliane a ospitâ la massime finâl europeane – par concuistâ il titul di miôr scuadre d Europe. Si spietin almancul 20-22 milions di spetatôrs par television e dut plen tal Bluenergy Stadium. I biliets a vegnin vendûts dome in rêt su UEFA.com., daûr che a rivin lis domsndis, dome doi par ognidun, e a costin 30, 80 e 130 euros. I puescj ancjemò libars a son chei che mancjin daspò de vendite dai biliets ai tifôs des dôs scuadris in finâl: 5800 a chei di Parîs e 4700 a chei di Londre. (A.I.) – 29.07.2025