E je stade presentade a Udin la Uefa Super Cup, la finâl in program ai 13 di Avost tal Bluenergy Stadium. In cjamp i vincidôrs de Champions League, Paris Saint-Germain, e chei de Eropa League, Tottenham, compagnâts dai lôr tifôs, che si cjataran tal parc Moretti (i francês, e un zardin grant (i inglês). Pe prime volte in Italie di cuant che si fâs dome intune partide, la finâl e à tirât dentri tresinte volontaris (dusinte di chei a son furlans) pe organizazion. La Uefa e à disvilupât une grafiche dedicade ae citât e ae regjon, associade ae sô marche uficiâl de Super Cup, doprant la acuile par promovi une partide che e sarà viodude in dut il mont. Cinc lûcs de regjon si ‘metaran su’ lis grafichis uficiâls tes dôs setemanis prime de partide: Gurize, Triest, Grau, Lignan e tal ultin Udin. La citât, il stadi e la societât blancje e nere, adun cu la federazion taliane Figc e che europeane Uefa, a àn metût adun un apontament che dome par television dl tire dongje par solit passe vincj milions di spetatôrs: un sburt impuartant ancje pal turisim. (A.I.) – 30.06.2025
Foto di F. Gallina
