Cuatri medaiis ai Mondiâi di biathlon e un risultât storic: l’aur inte stafete feminine. La sapadine Lisa Vittozzi e à sierât cuntun trionf la sô partecipazion al torneu internazionâl di Oberhof, cuntun arint inte stafete miste e doi bronçs inte 15 chilometris individuâl e inte stafete cun Tommaso Giacomel. Il risultât plui impuartant, però, al è il so prin titul dal mont in cariere: l’aur inte stafete – dulà che la Italie no jere mai rivade prime – cun Samuela Comola, Dorothea Wierer e Hannah Auchentaller. Al trionf si son dâts adun ancje doi cjargnei: Mirco Romanin di For di Avoltri, tecnic de Vittozzi, e l’Olimpionic Giorgio Di Centa, il ‘skiman’ de scuadre feminine, o sedi chel che al prepare e al prove i schîs dai fondiscj. (A.I.) – 20.02.2023
Il trionf storic de sapadine Lisa Vittozzi
171